• in

    ვიდეო: 150 დღე ევროფესტივალის ფინალამდე

    ევროვიზია 2018-ის გრანდიოზულ ფინალამდე, რომელიც პორტუგალიის დედაქალაქ ლისაბონში  8, 10 და 12 მაისს გაიმართება, 150 დღეა დარჩენილი.

  • in

    Eurovision.Ge-ს ღია წერილი “პრაიმშოუს” გუნდსა და სტუმრებს

    პრაიმშოუს ვუყურე და ცოტა გაოცებული ვარ, ბევრად მეტს მოველოდი წამყვანებისგან მაინც.  როდესაც გადაცემას აკეთებ, შეიძლება თემა არ იცოდე, მაგრამ მთელი კვირა დაუთმო საკვანძო საკითხების შესწავლას თემის ირგვლივ და ეთერში არ იძახო არაკომპეტენტური ვარო და მეორე წამს კონკურსი არ აკრიტიკო… საკუთარი პირით როდესაც ამბობ, რომ არაკომპეტენტური ხარ, იმწამსვე კარგავს ფასს შენი სამომავლო სიტყვები თემის ირგვლივ.

     

    ცუდია,  როდესაც შენს ქვეყანაში შენივე ქვეყნის ოკუპანტი ქვეყნის წარმომადგენელი იმარჯვებს, მაგრამ…!!!

     

    მეგობრებო,  თქვენ შეიძლება როგორც გინდათ ისე მოარგოთ ამ შოუს პოლიტიკურობა გარემოს,  თუმცა მინდა გითხრათ,  რომ საბავშვო ევროვიზია განსხვავებით ევროვიზიის მუსიკალური კონკურსისგან პოლიტიკური საერთოდ არ არის.  აქ არ იწერება ქულები პოლიტიკური გათვლების, მეზობლების და სხვა დიადი მიზნების გამო…  აქ ფასდება ბავშვების ნიჭი,  7-15 წლამდე ბავშვების,  რომლებიც გამოდიან, მღერიან, სიამოვნებას იღებენ,  ახალ მეგობრებს იჩენენ და სულ არ აინტერესებთ მათი ქვეყნის ბინძური მმართველები, ტკბებიან ბავშვობით.

     

    თუ არ გინდოდათ,  რომ გამარჯვებული რუსეთის დროშა აფრიალებულიყო საქართველოში,  მაშინ წინასწარვე არ უნდა მიგვეცა უფლება კონკურსში მონაწილეობის,  როგორც ეს უკრაინამ ქნა, თუმცა მათ საბაბიც ქონდათ.  აქ არც საბაბი არსებობდა და ამ გადაწყვსტილებას არავინ მიიღებდა, რადგან კიდევ ერთხელ ვამბობ,  ეს არ არის პოლიტიკური კონკურსი!

     

    სირცხვილია 15 წლის ბავშვს მონღოლი ეძახო და მოკვდიო დაუწერო, სირცხვილია და ეს სიტყვები ზუსტად ასახავს საზოგადოების მდგომარეობას.  იმ საზოგადოების,  რომელიც რუსეთის დროშის ფრიალს კი არა,  ბევრად უფრო მეტ სასჯელს იმსახურებს.

     

    ახლა რომ გამოხვედით კონკურსის ექსპერტები,  სად იყავით მაშინ, როდესაც გრიგოლს თქვენი მხარდაჭერა სჭირდებოდა?  გამოდით და მითხარით რამდენმა მიეცით ხმა?  ზუსტად ვიცი,  ამ “ექსპერტთა წრის” 1 %-იც არ ხართ,  ვინც გრიგოლის წარმატებაში საკუთარი წვლილი შეიტანა.

     

    რუსულმა სპეცსამსახურებმა გათიშეს საიტი რომ ხმა ვერ მიგვეცაო :))))

    სირცხვილია, ხალხო, რა რუსული სპეცსამსახურები,  მსოფლიოს 100-ზე მეტი ქვეყნიდან 330,000-ზე მეტი ხმა შევიდა ბოლო 15 წუთის განმავლობაში და საიტი გაჭედილი მხოლოდ საქართველოში არ ყოფილა.  წინა დღეებში უნდა გეაქტიურად, როდესაც გქონდათ ხმის მიცემის უფლება 🙂

     

    დიახ,  ჩვენ,  მაყურებლის, თქვენი 3 ქულა დაგვაკლდა და არა ჟიურის,  რომელიც ვირზე შესვით და ტალახის გუნდებით შეამკეთ. ჟიურის ფავორიტები ისედაც კი გავხდით.

     

    ჟიურიმ ქულები დაწერა , შოუმდე 1 დღით ადრე,  გენერალურ რეპეტიციაზე.  როდესაც ჟიური ქულას წერს, მისთვის უცნობია მისივე ქვეყნის სხვა ჟიურის გადაწყვეტილება., მათ არ იცოდნენ საბოლოო ჯამში ვის შეხვდებოდა 12 ქულა… არ ვამართლებ მათ საქციელს, რადგან გასამართლებელი არაფერია,  იმსახურებდა ეს გოგო 12 ქულას. შეიძლებოდა უკრაინისთვის დაგვეწერა 12 ქულა და ისე დასრულებულიყო კონკურსი,  რომ ჩვენი დაწერილი 12 ქულით ეჯობნა უკრაინას ჩვენთვის.  ეს ლოტოტრონია,  რომელსაც წინასწარ ვერ გათვლი.  ბევრს რომ საუბრობთ,  იმას რატომ არ ამბობთ,  რომ 12 დაგვიწერა ჩვენმა მტერმაც?  კიდევ ერთი ნათელი მაგალითი,  რომ ამ კონკურსში აფასებენ ნიჭს და არა პოლიტიკურ კურსს.

     

    დიახ, პალინა იმსახურებდა გამარჯვებას საქართველოშიც, იტალიაშიც და სერბეთშიც.  სადაც არ უნდა ჩატარებული კონკურსი ამ შემადგენლობით.

     

    დამატებითი კითხვების შემთხვევაში ნებისმიერს დაგიჯდებით…  სადაც გინდათ და ყველა ადექვატურ კითხვაზე გაგცემთ პასუხს.

     

    რუსეთის მთავრობა რომ ოკუპანტი, ჩვენი მტერი და ბოროტია,  ამაზე მგონი ყველა ვთანხმდებით :))

     

    უბრალოდ,  ნუ მივიღებთ მათ სახეს და 15 წლის გოგოს, რომელიც ყაზახეთიდანაა და საერთოდ შეიძლება კიდია რუსეთი,  ნუ ვუსურვებთ სიკვდილს მხოლოდ იმის გამო,  რომ იქ ცხოვრობს.

     

    გამარჯვებულია და ახლა გინდა იძახეთ პოლიტიკური ნიშნით გაიმარჯვაო და გინდა  არა :))  მასე ბევრს საუბრობდნენ ზოგიერთები ჯამალაზეც და კი არის ქალი ვარაკვლავი, გამარჯვებული კარგი სიმღერით.

     

    “გაურკვეველ ვითარებაში გამარჯვება” -????  :))  გაურკვეველ ვითარებაში ჩვენი გამარჯვება იქნებოდა,  60კ-ს რომ ძლივს ავცდით იუთუბზე…  ნახვების რაოდენობა ბევრ რამეს წყვეტს და წინასწარ ამინდს ქმნის და პოლინას ეს ამინდი შექმნილი ჰქონდა.

     

    ერთ რამეს გთხოვთ პრაიმშოუსა და სხვა სატელევიზიო გადაცემების პროდიუსერებს – სწორად შეარჩიეთ სტუმრები. მე მრცხვენოდა გუშინ თქვენს მაგივრად, ბევრი ისეთი ადამიანი განიხილავდა ევროპის ყველაზე მასშტაბურ მუსიკალურ კონკურსს.

     

    ცუდია, რომ არ გყავდათ ოპოზიცია და ერთხმად გადათელეთ ყაზახი გოგონა, რომელიც რუსეთის სახელით მონაწილეობდა კონკურსში.

  • in

    ევროვიზია 2018: ბილეთების გაყიდვის მეორე ეტაპი 20 დეკემბერს დაიწყება

    თუ გსურთ ევროვიზია 2018-ზე დასწრება, რომელიც პორტუგალიის დედაქალაქ ლისაბონში გაიმართება და ჯერ კიდევ ვერ მოასწარით ბილეთის ყიდვა, მაშინ მოემზადეთ ბილეთების გაყიდვის მეორე ეტაპი, ოთხშაბათს, 20 დეკემბერს დაიწყება.

    გაყიდვის პირველ ეტაპზე ბილეთები სრულად გაიყიდა. 20 დეკემბრიდან ფინალური შოუზე დასასწრები ბილეთების 4 განსხვავებული კატეგორია იქნება გასაყიდად წარმოდგენილი: პრემიუმ ოქროს წრის, ოქროს წრის, ფეხზე დასადგომი და ლოჟის ბილეთები.

    როგორ შევიძინოთ ბილეთი ?
    ბილეთის შესაძენად 20 დეკემბერს უნდა შებრძანდეთ საიტზე blueticket.pt, აირჩიოთ ბილეთის სასურველი კატეგორია, ადგილი და მიყვეთ საიტის ინსტრუქციას.

    როდის შეგვეძლება ნახევარ-ფინალებზე დასასწრები ბილეთების შეძენა ?
    ნახევარ-ფინალებზე დასასწრები ბილეთების ყიდვა კენჭისყრის შემდეგ, სავარაუდოდ იანვრის თვეში გახდება შესაძლებელი.

    ფინალზე დასასწრები ბილეთების ფასი €35.00-დან €299.00-მდეა:
    ოქროს წრე: €200
    პრემიუმ ოქროს წრე: €299
    ფეხზე დასადგომი: €120
    ლოჟა 1A პრემიუმი: €150
    ლოჟა 1A: €135
    ლოჟა 1B: €90
    ლოჟა 1C: €50
    ლოჟა 2A პრემიუმი: €95
    ლოჟა 2A: €80
    ლოჟა 2B: €50
    ლოჟა 2C: €35

    შეგახსენებთ, რომ ევროვიზია 2018 პორტუგალიის დედაქალაქ ლისაბონში 8, 10 და 12 მაისს გაიმართება.

  • in

    SALIO მომავალ ეროვნულ შესარჩევსაც გამოტოვებს | ევროვიზია 2018

    ევროვიზიის ქართული ჟურნალი დაუკავშირდა SALIO- ს იგივე სალომე კორკოტაშვილის და მომავალი  ეროვნული შესარჩევის შესახებ გაესაუბრა.

    SALIO: დიდი სიამოვნებით მივიღებდი მონაწილეობას ეროვნულ შესარჩევში, თუმცა არ ვიმყოფები საქართველოში , ალბომი ჩავწერე ამერიკაში და აქ ვაპირებ ყოფნას.

    მომღერალი სამშობლოში დაბრუნებას საახალწლოდ აპირებს.

     

  • in

    თაკო ვადაჭკორია: მაქვს ახალი სიმღერა რომელიც არსად გაჟღერებულა

    ევროვიზიის ქართული ჟურნალი ელდრაინის ყოფილ წევრს, მომღერალ თაკო ვადაჭკორიას დაუკავშირდა:

    -Eurovision Georgian Magazine-დან გიკავშირდებით.

    ალბათ მალე გამოცხადდება ევროვიზიის ეროვნულ შესარჩევზე რეგისტრაცია და როგორც ყოფილ ევროვიზიელს, ისევ ხომ არ ხარ დაინტერესებული ევროვიზიით? აპირებ შესარჩევში მონაწილეობის მიღებას? 

    მოგესალმებით, არამგონია მივიღო მონაწილეობა, თუმცა მაქვს სიმღერა,რომელიც ჯერ არსად გაჟღერებულა.მადლობა ყურადღებისთვის .

    თაკო ვადაჭკორია 2011 წელს ეროვნულ შესარჩევში ჯგუფ ელდრაინთან ერთად მონაწილებდა , თუმცამოგვიანებით  რაღაც მიზეზების გამო ის სოფო ტოროშელიძემ ჩაანაცვლა.

     

  • in

    ელენე კალანდაძე “ევროვიზია” 2018-ზე საქართველოს წარსადგენად შიდაშესარჩევ კონკურსში იბრძოლებს

    რამდენიმე თვეში, შიდაშესარჩევი კონკურსის საფუძველზე გადაწყდება, თუ ვინ წარადგენს საქართველოს ევროვიზიის მუსიკალურ კონკურსზე, რომელიც 2018 წლის 8,10 და 12 მაისს, პორტუგალიის დედაქალაქ ლისაბონში გაიმართება.

    თითქმის ყველა მონაწილე ქვეყანაში დგას კითხვა – ვინ წარადგენს ქვეყანას კონკურსზე და გამონაკლისი ამ შემთხვევაში არც საქართველოა.

    შიდაშესარჩევი კონკურსი გადაწყვეტს, თუ ვინ იქნება საქართველოს ხმა კონკურსზე და ვინ იტყვის ქვეყნის სათქმელს ევროპის ყველაზე მასშტაბურ მუსიკალურ ფესტივალზე.

    Eurovision Georgian Magazine-სთვის ცნობილი ხდება, რომ საქართველოს შიდაშესარჩევი კონკურსის ერთერთი მონაწილე მომღერალი და საბავშვო ევროვიზიის წამყვანი, ელენე კალანდაძე იქნება.

    როგორც ელენე Eurovision.ge-სთან საუბარში ამბობს, მისი დიდი სურვილია, რომ ის იყოს საქართველოს ხმა ევროვიზიის მუსიკალურ კონკურსზე.

    “კონკურსს დიდი ხანია ვადევნებ თვალს და ძალიან მიყვარს. დიდი სურვილი მაქვს, რომ წარვადგინო საქართველო ამ ძალიან მნიშვნელოვან მუსიკალურ კონკურსზე”, – ამბობს ელენე.

    მომღერლის თქმით სიმღერა უკვე დაწერილია და ამჟამად ტექსტზე მიდის მუშაობა.

    ” მუსიკა უკვე დაწერილია. სიმღერა იქნება მხიარული, ფერადი და ბედნიერი, ისეთი, როგორიც მე ვარ. მსურს, რომ ევროპამ სიხარულის მესიჯი მიიღოს საქართველოდან”, – განაცხადა მომღერალმა Eurovision.ge -სთვის მიცემულ ინტერვიუში.

    აღსანიშნავია, რომ ევროვიზიის მუსიკალური კონკურსის ქართველი გულშემატკივრების რჩეულიც სწორედ ელენე კალანდაძეა. გულშემატკივრების სრული შემადგენლობა ფიქრობს, რომ ელენეს კონკურსზე მონაწილეობა საქართველოსთვის ბევრი დადებითი შეფასების და წარმატების მომტანი იქნება.

  • in

    ევროვიზია 2018: ელენე კალანდაძე საქართველოს სახელით?

    დამთავრდა საბავშვო ევროვიზია და  იწყება დიდების ევროვიზიის ციებ-ცხელებაც.

    ჩნდება კითხვა ვინ უნდა წარადგინოს საქართველო ევროვიზიაზე?

    ჩვენ ჩავატარეთ გამოკითხვა და უმეტესობამ სასურველ კანდიდატად დაასახელა ელენე კალანდაძე .

    ელენე კალანდაძე საბავშვო ევროვიზიის ერთ-ერთი წამყვანი იყო   და ევროვიზიის უცხოელ გულშემატკივრებზეც საკმაოდ დადებითი შთაბეჭდილება დატოვა .

    ელენემ საბავშვო ევროვიზიის სცენაზე ლიზი პოპთან ერთად ენერგიული სიმღერა შეასრულა,რამაც ფანებს ევროვიზიაზე მისი წასვლის სურვილი უფრო გაუმძაფრა.

     

    ვინ არის თქვენი ფავორიტი დატოვეთ კომენტარში.

  • in

    2017 წლის საბავშვო ევროვიზია რუსეთის წარმომადგენელმა მოიგო

    2017 წლის საბავშვო ევროვიზიის სიმღერის კონკურსის გამარჯვებული რუსეთის წარმომადგენელი პოლინა ბოგუსევიჩი გახდა სიმღერით Wings.

    რუსმა კონკურსანტმა 188 ქულა მიიღო.

    საბავშვო ევროვიზიის რიგით მე-15 კონკურსი დღეს, თბილისის ოლიმპიურ სასახლეში გაიმართა. საქართველომ საბავშვო ევროფესტივალს წელს პირველად უმასპინძლა.

    კონკურსში 16 ქვეყანა მონაწილეობდა. წელს საქართველო კონკურსში გრიგოლ ყიფშიძემ წარადგინა, სიმღერით „გულის ხმა” და 185 ქულით მეორე ადგილი დაიკავა.

    eurovision-georgia.ge

  • in

    ქართველი კონკურსანტის გამოსვლა საბავშვო ევროვიზიის ფინალურ შოუზე

    თბილისის ოლიმპიურ სასახლეში საბავშვო ევროვიზიის ფინალურ შოუზე ქართველი კონკურსანტი მეცხრე ნომრად გამოვიდა.

    გრიგოლ ყიფშიძე კონკურსზე სიმღერით „გულის ხმა“ წარდგა.

    კომპოზიციის ავტორია გიგა კუხიანიძე, ხოლო ტექსტის ავტორი – თემო საჯაია.

    საბავშვო ევროვიზიის ფინალური შოუ 2016 წლის გამარჯვებულის, მარიამ მამადაშვილის სიმღერით „მზეო“ გაიხსნა.

    თბილისის ოლიმპიურ სასახლეში კონკურსის გახსნის ცერემონიაზე 16 ქვეყნის წარმომადგენელმა სპეციალურად დღევანდელი დღისთვის დაწერილი ჰიმნი შეასრულა.

    ევროვიზია 2017-ზე პირველ ნომრად კვიპროსის წარმომადგენელი ნიკოლა ნიკოლაუ წარდგა.

    ბოლო მონაწილე, რომელიც სცენაზე გამოვა, იტალიის კონკურსანტი მარია ისიდე ფიოერეა იქნება.

    საიუბილეო, საბავშვო ევროვიზიის რიგით მე-15 კონკურსი ოლიმპიურ სასახლეში იმართება და მასში 16 ქვეყნის წარმომადგენელი მონაწილეობს.

    კონკურსის ისტორიაში პირველად, მაყურებელს ონლაინ ხმის მიცემის საშუალებით შესაძლებლობა აქვს მხარი დაუჭიროს საკუთარი ქვეყნის კონკურსანტს. მაყურებელს 16 ქვეყნის მონაწილეებს შორის, მაქსიმუმ ხუთი ფავორიტის შერჩევა და მოწონება შეეძლება.

    ონლაინ ხმის მიცემის პროცედურა გრანდიოზული შოუს დაწყების წინ შეწყდა და სცენაზე 16-ივე კონკურსანტის გამოსვლის შემდეგ, 15 წუთით განახლდება. ონლაინ ხმები კი კონკურსანტთა ანგარიშის დაფაზე ქულებად აისახება.

    გამარჯვებული კონკურსანტი საერთაშორისო ჟიურის შეფასებითა და ონლაინ ქულების შედეგების მეშვეობით გამოვლინდება.

    eurovision-georgia.ge

  • in

    საბავშვო ევროვიზიის კონცერტზე დამსწრეთა საყურადღებოდ!

    კონცერტზე საერთაშორისო სატელევიზო ფორმატის (Live) გათვალისწინებით, გთხოვთ, დაიცვათ აღნიშნული წესები:

    25 და 26 ნოემბერს, ოლიმპიურ სასახლეში შესასვლელი კარი გაიღება 16:30 საათზე და დაიხურება 18:30 საათზე!

    გთხოვთ, მობრძანდეთ მითითებული დროის ინტერვალში!

    ბილეთი სავალდებულოა ნებისმიერი ასაკის ბავშვისთვის.

    ბავშვების კალთაში ჩასმა არ შეიძლება!

    გთხოვთ, დაიკავოთ მხოლოდ ბილეთზე მითითებული ადგილები!

    გელოდებით ოლიმპიურ სასახლეში – უნივერსიტეტის ქუჩა N15ა

    eurovision-georgia.ge

Load More
Congratulations. You've reached the end of the internet.