in

ელენე კალანდაძე “ევროვიზია” 2018-ზე საქართველოს წარსადგენად შიდაშესარჩევ კონკურსში იბრძოლებს

რამდენიმე თვეში, შიდაშესარჩევი კონკურსის საფუძველზე გადაწყდება, თუ ვინ წარადგენს საქართველოს ევროვიზიის მუსიკალურ კონკურსზე, რომელიც 2018 წლის 8,10 და 12 მაისს, პორტუგალიის დედაქალაქ ლისაბონში გაიმართება.

თითქმის ყველა მონაწილე ქვეყანაში დგას კითხვა – ვინ წარადგენს ქვეყანას კონკურსზე და გამონაკლისი ამ შემთხვევაში არც საქართველოა.

შიდაშესარჩევი კონკურსი გადაწყვეტს, თუ ვინ იქნება საქართველოს ხმა კონკურსზე და ვინ იტყვის ქვეყნის სათქმელს ევროპის ყველაზე მასშტაბურ მუსიკალურ ფესტივალზე.

Eurovision Georgian Magazine-სთვის ცნობილი ხდება, რომ საქართველოს შიდაშესარჩევი კონკურსის ერთერთი მონაწილე მომღერალი და საბავშვო ევროვიზიის წამყვანი, ელენე კალანდაძე იქნება.

როგორც ელენე Eurovision.ge-სთან საუბარში ამბობს, მისი დიდი სურვილია, რომ ის იყოს საქართველოს ხმა ევროვიზიის მუსიკალურ კონკურსზე.

“კონკურსს დიდი ხანია ვადევნებ თვალს და ძალიან მიყვარს. დიდი სურვილი მაქვს, რომ წარვადგინო საქართველო ამ ძალიან მნიშვნელოვან მუსიკალურ კონკურსზე”, – ამბობს ელენე.

მომღერლის თქმით სიმღერა უკვე დაწერილია და ამჟამად ტექსტზე მიდის მუშაობა.

” მუსიკა უკვე დაწერილია. სიმღერა იქნება მხიარული, ფერადი და ბედნიერი, ისეთი, როგორიც მე ვარ. მსურს, რომ ევროპამ სიხარულის მესიჯი მიიღოს საქართველოდან”, – განაცხადა მომღერალმა Eurovision.ge -სთვის მიცემულ ინტერვიუში.

აღსანიშნავია, რომ ევროვიზიის მუსიკალური კონკურსის ქართველი გულშემატკივრების რჩეულიც სწორედ ელენე კალანდაძეა. გულშემატკივრების სრული შემადგენლობა ფიქრობს, რომ ელენეს კონკურსზე მონაწილეობა საქართველოსთვის ბევრი დადებითი შეფასების და წარმატების მომტანი იქნება.



შეაფასეთ სტატია

121 points
Upvote Downvote

Total votes: 8

Upvotes: 7

Upvotes percentage: 87.500000%

Downvotes: 1

Downvotes percentage: 12.500000%



One Ping

  1. Pingback:

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

ევროვიზია 2018: ელენე კალანდაძე საქართველოს სახელით?

თაკო ვადაჭკორია: მაქვს ახალი სიმღერა რომელიც არსად გაჟღერებულა